زوجة مصرية تطلب الخلع من زوجها لاستحالة العِشرة معه

أقامت «مريم.ع» موظفة خدمة العملاء في إحدى الشركات، بعد زواج استمر نحو 4 أشهر، دعوى خلع في محكمة الزنانيري حملت رقم 2185 لعام 2018، لاستحالة العشرة مع زوجها «محمد.م»، وبعد عام من الخطوبة و4 أشهر على الزواج، لجأت الشابة العشرينية للخلع، موضحة لـ«هن»: «اتجوزنا عن حب وخطوبة سنة ونص تقريبًا، لكن بعد الجواز اكتشفت فيه حاجات تانية ماكنتش أعرفها والعصبية بقت زيادة جدا لدرجة الإهانة ومد الإيد.. تربيتي مختلفة عنه تمامًا هو من عيلة عادي ضرب الزوج لزوجته والشتيمة والتهزيق وإحنا مش كده فماستحملتش الإهانة دي».

تعرضت «مريم» لـ4 أشهر من المعاملة السيئة: «قعدنا طول الفترة كأننا أخوات مع محاولات بسيطة للمعاشرة الزوجية لكن لم تتم، وآخر موقف اتعصب عليّ وطردني في نص الليل بقميص النوم بعد ما كررت طلبي إننا نروح نزور دكتور.. فطلقني واتعصب علي وضربني وطردني من الشقة وروحت عند بيت والدي بعد ما الجيران ساعدوني».

لم تنجح محاولات الصلح بينهما وتوضح الزوجة: «بعد كام يوم بدأ يتصل ويعيط ويعتذر لأهلي على سوء المعاملة واتهمني إني بامنع نفسي عنه وباعصبه.. ولما رديت عليه اعتذر وطلب مني نرجع تاني والدي طلب منه يجيب والدته ويرجع يعتذرلي في البيت ولما جه قدامهم قال علي قليلة أدب والكلام ده كان أدام أبويا علشان قلت قدام أهله إنه عنده مشكلة ولازم يوعدني قدامهم يروح يتعالج ومايمدش إيده علي تاني».

قرار بالخلع اتخذته «مريم»: «كل الحب راح لما ضربني وطردني وأهاني قدام أهلي كمان.. كان ممكن أستحمل زي ما صبرت عليه الـ4 شهور وأسكت لكن الإهانة لأ.. والحمدلله ماحصلش حاجة ومافيش عيال».

قد يهمك أيضًا: زواج توأم بعمر السادسة من بعضهما في تايلاند

سيدة مصرية تطلب الخلع من زوجها لإدمانه مشاهدة أفلام الكرتون